Trint AI: நீங்க பேசி முடிக்கிறதுக்குள்ள நான் எழுதி முடிச்சிருப்பேன்… உலகத்துல எந்த மொழியில பேசுனாலும் எனக்கு புரியும். நான் தான் Trint AI..
இன்றைய டிஜிட்டல் உலகில் தொழில்நுட்பம் அசுர வேகத்தில் வளர்ந்து வருகிறது. குறிப்பாக, மனித உழைப்பை குறைத்து வேலைகளை எளிதாக்கும் AI கருவிகளின் வரவு அதிகரித்துக்கொண்டே இருக்கிறது. அந்த வரிசையில், பேச்சை உரையாக மாற்றுவது என்பது இப்போது சாதாரணமான ஒன்றாக மாறிவிட்டது. ஆனால், அதையும் தாண்டி நேரடி உரையாடல்களை நொடி பொழுதில் செய்திகளாகவும், கட்டுரைகளாகவும் மாற்றும் வித்தையை செய்கிறது ‘Trint AI’. இது வெறும் டிரான்ஸ்கிரிப்ஷன் மென்பொருள் மட்டுமல்ல, ஒரு முழுமையான டிஜிட்டல் உதவியாளராகவே செயல்படுகிறது.
நேரடி உரையாடலும் உடனடி மாற்றமும்
ஒரு முக்கியமான பேட்டி, நேரடி ஒளிபரப்பு அல்லது அலுவலக கூட்டம் நடந்து கொண்டிருக்கும் போதே, அங்கு பேசப்படும் ஒவ்வொரு வார்த்தையையும் உடனுக்குடன் எழுத்து வடிவில் இது மாற்றி தருகிறது. இதில் மிகச்சிறப்பான அம்சம் என்னவென்றால், பேசுபவர் எந்த மொழியில் பேசினாலும் கவலைப்பட தேவையில்லை. 40-க்கும் மேற்பட்ட மொழிகளை துல்லியமாக அடையாளம் காணும் திறன் இதற்கு உண்டு. மேலும், அவ்வாறு மாற்றப்பட்ட உரையை 70-க்கும் மேற்பட்ட உலக மொழிகளில் நொடி பொழுதில் மொழிபெயர்க்கும் வசதியும் இதில் உள்ளது.
முக்கிய தகவல்களைத் திரட்டும் ஏஐ உதவியாளர்
மணி கணக்கில் நடக்கும் நீண்ட உரையாடல்களில் இருந்து நமக்கு தேவையான முக்கியமான தகவல்களை மட்டும் பிரித்தெடுப்பது கடினமான காரியம். ஆனால், Trint AI-ல் உள்ள ‘AI Assistant’ அம்சம், முழு உரையாடலையும் அலசி ஆராய்ந்து, அதன் சுருக்கத்தையும் முக்கியமான மேற்கோள்களையும் மட்டும் தனியாக எடுத்து கொடுத்துவிடும். இது தேவையற்ற நேர விரயத்தை தவிர்த்து, புத்திசாலித்தனமாக வேலை செய்ய உதவுகிறது.
உயர்தர தரவு பாதுகாப்பு
AI கருவிகளை பயன்படுத்தும் பலருக்கும் தங்களது தகவல்கள் கசியுமோ என்ற அச்சம் இருக்கும். ஆனால், Trint AI உங்கள் தரவுகளுக்கு 100% பாதுகாப்பு உத்தரவாதம் அளிக்கிறது. உங்கள் அனுமதியின்றி யாரும் தரவுகளை பார்க்க முடியாது. மேலும், உங்கள் தகவல்களை வைத்து அதன் அல்காரிதம்களுக்கு இது பயிற்சி அளிக்காது. ISO 27001 மற்றும் சைபர் எசென்ஷியல்ஸ் சான்றிதழ்களை பெற்றுள்ளதோடு, உங்கள் தரவை ஐரோப்பா அல்லது அமெரிக்கா என எங்கு சேமிக்க வேண்டும் என்பதையும் நீங்களே தீர்மானிக்கலாம்.
பல்வேறு துறையினருக்கு ஒரு வரப்பிரசாதம்
செய்தி நிறுவனங்கள் களத்தில் இருந்து உடனுக்குடன் செய்திகளை உருவாக்கி முதல் ஆளாக வெளியிட இது உதவுகிறது. விளையாட்டு போட்டிகளின் நேரடி வர்ணனைகளை அப்படியே உரையாக மாற்றி ரசிகர்களுக்கு பகிரலாம். திரைப்பட துறையில் படப்பிடிப்பு தள உரையாடல்களை எழுத்தாக்கி, எடிட்டிங் மற்றும் சப்டைட்டில் பணிகளை எளிதாக்கலாம். அதேபோல், நீதிமன்ற வழக்கு விசாரணைகள் மற்றும் கல்வி நிறுவன நேர்காணல்களை பாதுகாப்பாக பதிவு செய்து வைக்கவும் இது மிகச்சிறந்த கருவியாகும்.
ஒருங்கிணைக்கப்பட்ட வேலைப்பளு
Trint AI நாம் வழக்கமாக பயன்படுத்தும் மற்ற செயலிகள் மற்றும் மேலாண்மை மென்பொருட்களுடன் எளிதாக இணைந்து செயல்படும் தன்மை கொண்டது. இதனால் ஒரு விண்டோவிலிருந்து இன்னொரு விண்டோவிற்கு தாவ வேண்டிய அவசியம் இருக்காது. நீங்கள் ஒரு பத்திரிகையாளராகவோ, யூடியூபராகவோ அல்லது ஆராய்ச்சியாளராகவோ இருந்தால், Trint AI உங்களுக்கு ஒரு வலதுகரமாக இருந்து உங்கள் பணிகளை செதுக்கும் என்பதில் ஐயமில்லை.
கருத்துகள்
கருத்துரையிடுக