DALL·E 3 AI: வார்த்தை உன் கையில்... அந்த வார்த்தையை ஓவியமாக்கும் வித்தை என் கையில்! நான் தான் DALL·E 3.. பிரஷ் இல்ல, பெயிண்ட் இல்ல... ஆனா உலகத்தையே வரைய வைக்கும் இந்த AI மேஜிக்!
தொழில்நுட்ப உலகில் AI வளர்ச்சி நாளுக்கு நாள் பிரமிக்க வைக்கிறது. அந்த வகையில், சொற்களை அழகிய ஓவியங்களாக மாற்றும் DALL·E 3 ஒரு புதிய மைல்கல்லை எட்டியுள்ளது.
DALL·E 3 என்றால் என்ன?
DALL·E 3 என்பது ஒரு நவீன 'Text-to-Image' அமைப்பாகும். நாம் வழங்கும் சிறிய விளக்கத்தை கூட புரிந்து கொண்டு, மிக துல்லியமான மற்றும் உயர்தரமான படங்களை இது உருவாக்கி தருகிறது. முந்தைய பதிப்புகளை விட இது கூடுதல் நுணுக்கங்களுடன் செயல்படுகிறது.
ChatGPT-யுடன் இணைந்த செயல்பாடு
DALL·E 3-ன் மிகப்பெரிய சிறப்பம்சம் என்னவென்றால், இது நேரடியாக ChatGPT உடன் இணைந்து செயல்படுகிறது. நீங்கள் ஒரு யோசனையை சொன்னால் போதும், ChatGPT அதை விரிவுபடுத்தி DALL·E 3-க்கு ஏற்றவாறு ஒரு விரிவான Prompt)தயார் செய்யும். இதன் மூலம் சாதாரண பயனர்களும் ஒரு தொழில்முறை ஓவியரை போல படங்களை உருவாக்க முடியும்.
பாதுகாப்பு மற்றும் நெறிமுறைகள்
AI தொழில்நுட்பத்தில் பாதுகாப்பு மிக முக்கியமானது. DALL·E 3 பின்வரும் கட்டுப்பாடுகளை கொண்டுள்ளது:
பொது நபர்கள்: பிரபலமான நபர்களின் படங்களை உருவாக்க இது மறுக்கும்.
கலைஞர்களின் உரிமை: தற்போதைய கலைஞர்களின் பாணியில் (Style) படங்களை உருவாக்கக் கேட்டால் அது நிராகரிக்கப்படும்.
தவறான தகவல்கள்: வன்முறை அல்லது தவறான பரப்புரை சார்ந்த படங்களை உருவாக்குவதை தவிர்க்க இதற்கென தனி பாதுகாப்பு குழுக்கள் நியமிக்கப்பட்டுள்ளன.
படைப்பாளிகளுக்கான கட்டுப்பாடு
கலைஞர்கள் தங்களது படைப்புகளை AI பயிற்சிகளுக்கு பயன்படுத்தக்கூடாது என்று விரும்பினால், அதிலிருந்து விலகிக் கொள்ளும் வசதியையும் OpenAI வழங்கியுள்ளது. மேலும், உருவாக்கப்படும் படங்கள் AI-ஆல் உருவாக்கப்பட்டவை என்பதை கண்டறியும் புதிய தொழில்நுட்பங்களும் சோதிக்கப்பட்டு வருகின்றன.
பயன்பாட்டு உரிமை
DALL·E 3 மூலம் நீங்கள் உருவாக்கும் படங்களுக்கு நீங்களே முழு உரிமையாளர். அவற்றை வணிக ரீதியாக விற்பனை செய்யவோ அல்லது விளம்பரங்களுக்கு பயன்படுத்தவோ OpenAI-ன் அனுமதி தேவையில்லை.