சட்டத்துறையில் தொழில்நுட்பத்தின் ஆதிக்கம் அதிகரித்து வரும் வேளையில், வழக்கறிஞர்களுக்காகவே பிரத்யேகமாக உருவாக்கப்பட்ட DANA அதாவது Digital Attorney & Network Assistant என்ற ஏஐ மென்பொருள் ஒரு மிகப்பெரிய மைல்கல்லாக கருதப்படுகிறது. சிக்கலான வழக்குகளை நிமிடங்களில் ஆய்வு செய்யவும், ஆதாரங்களில் உள்ள இடைவெளிகளைக் கண்டறியவும் இது உதவுகிறது.
வழக்கின் சாராம்சத்தை நொடிகளில் அறியலாம்
ஆயிரக்கணக்கான பக்கங்கள் கொண்ட வழக்கு ஆவணங்களை மனித ஆற்றலால் படித்து முடிக்க பல நாட்கள் ஆகலாம். ஆனால் DANA, ஒரு வழக்கில் எது முக்கியம், எது விடுபட்டுள்ளது, அடுத்த கட்ட நடவடிக்கை என்ன என்பதைத் துல்லியமாக விளக்குகிறது. உதாரணமாக, ஜூன் 1, 2023 அன்று நடந்த ஒரு வணிக விபத்தில், பாதிக்கப்பட்டவருக்கு நீதி கிடைக்க தேவையான ஆதாரங்களை இது முறைப்படி வகைப்படுத்துகிறது.
ஆதார இடைவெளிகளைக் கண்டறிதல்
ஒரு வழக்கின் வெற்றி என்பது அதன் கடமை , மீறல் , காரணம் மற்றும் சேதங்கள் ஆகிய நான்கு தூண்களை பொறுத்தது. DANA இந்த ஒவ்வொரு அம்சத்தையும் தனித்தனியாக பகுப்பாய்வு செய்து, உங்களிடம் உள்ள ஆதாரங்கள் என்ன, இன்னும் நீங்கள் திரட்ட வேண்டிய சான்றுகள் என்ன என்பதை தெளிவாக காட்டுகிறது. இதன் மூலம் வழக்கறிஞர்கள் யூகங்களின் அடிப்படையில் செயல்படுவதை தவிர்க்கலாம்.
நபர்கள் மற்றும் பொறுப்புகளை அடையாளம் காணுதல்
வழக்கில் தொடர்புடைய வாதி, பிரதிவாதி, சாட்சிகள், நிபுணர்கள் மற்றும் இடங்களை DANA தானாகவே கண்டறிந்து அவர்களுக்கு Role Tagsகளை வழங்குகிறது. இதனால் கோப்புகளை தேடி நேரத்தை வீணடிக்கத் தேவையில்லை. ஒரு மூத்த வழக்கறிஞர் அனைத்து ஆவணங்களையும் படித்துவிட்டு ஆலோசனை வழங்குவது போலவே இந்த மென்பொருள் செயல்படுகிறது.
DANA ஒரு வழக்கறிஞரை போன்றது என பயனர்கள் குறிப்பிடுகின்றனர். ஒரு மணி நேர வேலையில் ஐந்து மணி நேர உழைப்பை சேமிக்கும் திறன் கொண்டது இந்த தொழில்நுட்பம். நவீன வழக்கறிஞர்களுக்கு இது ஒரு வரப்பிரசாதமாகும்.