AI உலகம் தற்போது Chatbots தாண்டி, தங்களுக்கான இலக்குகளை தாங்களே சிந்தித்து செயலாற்றும் தன்னாட்சி Autonomous AI Agents நோக்கி நகர தொடங்கியுள்ளது. இந்த அதிநவீன தொழில்நுட்ப துறையில், சாமானிய மக்களும் Auto-GPT மற்றும் BabyAGI போன்ற ஏஐ ஏஜென்ட்களின் ஆற்றலை மிக எளிதாக பயன்படுத்த வழிவகை செய்யும் ஒரு புரட்சிகரமான இணைய தளமாக உருவெடுத்துள்ளது 'Godmode AI'. FOLLGAD நிறுவனத்தால் உருவாக்கப்பட்ட இந்த இணைய செயலி, எந்தவொரு தொழில்நுட்ப அறிவும் இல்லாதவர்களையும் ஏஐ ஏஜென்ட்களின் முழுத் திறனையும் பயன்படுத்த அனுமதிக்கிறது.
Godmode AI என்றால் என்ன?
Godmode AI என்பது JavaScript இயங்கக்கூடிய பிரவுசர்களில் செயல்படும் ஒரு வெப் அப்ளிகேஷன் ஆகும். இது பயனர்கள் அளிக்கும் உள்ளீடுகளை பகுப்பாய்வு செய்து, அதன் அடிப்படையில் சுயாதீனமாக சிந்தித்து முடிவுகளை தரக்கூடிய வல்லமை பெற்றது. GPT-3.5 மற்றும் GPT-4 போன்ற மேம்பட்ட LLM மாதிரிகளின் பின்னணியில் இயங்கும் இந்த தளம், ஆட்டோ-ஜிபிடி-யின் தூண்டுதலால் உருவாக்கப்பட்டது. இதன் மூலம், ஒரு குறிப்பிட்ட இலக்கை நீங்கள் கொடுத்துவிட்டால், அதை எப்படி அடைய வேண்டும் என்ற உத்திகளை இந்த ஏஐ ஏஜென்ட்டே வகுத்து கொள்ளும்.
எவற்றுக்கெல்லாம் இதை பயன்படுத்தலாம்?
புதிய தொழில் தொடங்குவது முதல் கற்பனையான உலகங்களை உருவாக்குவது வரை பல்வேறு தேவைகளுக்கு Godmode AI தளம் ஒரு மிகச்சிறந்த துணையாக விளங்குகிறது:
Market Perspectives: ஒரு புதிய தயாரிப்பை சந்தையில் அறிமுகப்படுத்துவதற்கு முன், சந்தையின் தற்போதைய சூழல் மற்றும் புதிய வாய்ப்புகள் குறித்த ஆழமான பார்வையைப் பெறலாம்.
Business Documents: Resignation Letters, ஒப்பந்தப் பத்திரங்கள் மற்றும் பல்வேறு கார்ப்பரேட் ஆவணங்களை நொடிகளில் உருவாக்க முடியும்.
Hypothetical Scenarios: "பனிக்காலத்திற்கு முந்தைய மனித நாகரிகம் எப்படி இருந்திருக்கும்?" என்பது போன்ற தத்துவார்த்த மற்றும் அறிவியல் ரீதியான கற்பனைக் காட்சிகளை முழுமையாக ஆராயலாம்.
Creative Writing: புதிய கதைகளுக்கான திரைக்கதை மற்றும் மூளைச்சலவை அமர்வுகளுக்கு இதை பயன்படுத்தலாம்.
எளிமையான பயன்பாட்டு முறை: தொடங்குவது எப்படி?
எந்தவொரு Coding அல்லது தொழில்நுட்ப பயிற்சியும் இன்றி, மிக எளிமையான முறையில் இந்த தளத்தைப் பயன்படுத்தலாம்:
Godmode.space என்ற அதிகாரப்பூர்வ இணையதளத்திற்கு சென்று உங்களுக்கான கணக்கை உருவாக்கிக் கொள்ள வேண்டும்.
உங்களுக்குத் தேவையான கேள்வி அல்லது செய்ய வேண்டிய பணியை Text Prompt உள்ளிட வேண்டும்.
உங்களுடைய உள்ளீட்டை புரிந்துகொண்டு, ஏஐ ஏஜென்ட் உருவாக்கும் பல்வேறு கட்ட உத்திகள் மற்றும் விடைகளை கண்டறியலாம்.
Conversational Interface அமைந்திருப்பதால், ஏஐ தரும் பதில்களை கொண்டு அடுத்தடுத்த கட்ட கேள்விகள் மூலம் உங்களுக்கான துல்லியமான முடிவை நீங்கள் எட்ட முடியும்.